VIII. ARRATIA RAIDA
Lekua: Arratia bailara, Bizkaia
Lehiaketa Gunea: Areatza
Data: 2026ko Urriak 24
Hasiera: goizeko 10:00tan
Iraupena.: 8 ordu
Taldeak: 2 edo 3 pertsonakoak
Kategoríak: 3 (Emakumezkoak, gizonezkoak, mistoak)
AURKEZPENA
Zuetariko asko gogoratuko duzuen bezala, hainbat urte pasa dira azken Arratia Raida ospatu genuela. Orduko hartan eguraldiak ez zigun askorik lagundu. Baina lasai, aurten, 2026ko Urriaren 24erako, eguraldia ere kontrolpean daukagu!!
Raida Ubiden (580 m) hasi eta Areatzan (140 m) amaituko da, eta bertan, gorbeiako parke naturaleko parajeak ezagutzeko aukera izango duzue; eta ikusten duzuenez aldapan bera egingo zaizue.
Estrategiagarrantzi handia hartuko du. Alde batetik trekinean, rogaine formatoko sekzioa izango bait da; baliza askorekin eta gehienak basoan barrena sartuta ( bideetatik kanpo). Eta bestetik bizikleta sekzioan, orientatzeko erraza izango den arren, helmugara garaiz heltzeko kontuak atera beharko dituzuelako zuetariko askok ( ez dugu uste raideko baliza guztiak askok hartuko dituzuenik). Dena den, bukatzeko, Areatza herria ezagutzeko herri-orientazio bat izango duzue hainbat proba berezirekin, ondo pasatzeko eta horrela, azkarregi helduta ere, puntuak pilatzen jarraitzeko aukera izango duzue.
Talde bakoitzak ibilbidea bere gaitasun, gogo eta helburuetara egokitu beharko du, ze sekziori eman garrantzi gehien ahalik eta puntu gehien batzeko lasterketak irauten dituen 8 orduetan.
KOKAPENAK ETA INTERES PUNTUAK
Lehiaketa zentrua Areatzan egongo da; baina hasiera Ubiden izango da, eta beraz, zoru-gogorra ere bertan egongo da.
Aurrerago azalduko dizuegu nola antolatuko dugun leku batetik besterako trasladoa.
Lehiaketarako interesgarriak diren guneak mapa hauetan zehaztuta daude:
Areatzan:
Parking: https://goo.gl/maps/5ASrjka8tLB2
Dutxak: https://goo.gl/maps/rA8qAbC7b2k
Amaierako bazkaria Areatzan izango dira
Ubiden:
AUTOKARABANA PARKINA: Ubiden, bi aukera izango dituzue
Olalde aterpetxearen (itxita dago) ondoko parkinean
Herriaren sarreran dagoen parkinean
KOTXEEN PARKINA: Larunbat goizean zatoztenontzako, herri sarrerako aparkalekuetan utzi beharko dituzue zuen ibilgailuak, gauzak hartu eta plazara oinez edo bizikletan etorri. EZIN IZANGO ZARETE PLAZARTE IBILGAILUEKAZ SARTU
IZEN EMATEAK
https://web.rockthesport.com/es/event/arratia-raid -tik egingo dira. Prezioa 50 eurotakoa izango da partaide bakoitzeko eta honako hau barne hartzen du:
Lasterkariaren poltsa opariekin.
Lasterkari bakoitzarentzako mapa joku bat eta Roadbook-a.
Asegurua.
SPORTIDENT kronometraia elektroniko sistema eta txipak.
Zoru gogorra eta dutxak.
Lasterketa amaierako bazkaria eta anoa guneak
Sariak eta oparien zozketa
EGITARAUA
Ordutegiak gutxi gora beherakoak dira, aurrerago zehaztuko dira.
Urriak 23 OSTIRALA
19:00 Zoru gogorraren irekiera Ubideko frontoian.
Baliteke hurrengo egunerako bizikletak eta poltsak prest utzi ahal izatea frontoi barruan ere.
-Urriak 24 LARUNBATA
7:30 – 8:30 Taldeen harrera eta dortsalen eta sportidenten banaketa Ubideko plazan.
Bizikletak eta A poltsa utzi Ubideko frontoian
8:30 Kotxe karabanaren irteera, Areatzara aparkatzera joateko.
9:15 Areatzatik autobusa aterako da Ubideara igotzeko ( talde bakoitzeko bana)
9:45 Brieffing labur bat
10:00 Raidaren hasiera
18:00 Penalizaziorik gabeko helmugaren itxiera
18:30 Helmuga itxiera, puntu guztiak galtzea.
19:00 Bazkaria , sari banaketa eta oparien zozketa Areatzan
Azalpena:
Raid-a Ubiden hasiko da, 580m-ko altueran. Taldeko bi edo hiru kideek bertara igo beharko dute Raid-erako beharrezko materiala uzteko (1. trantsiziorako motxilak eta bizikletak). Gauzak deskargatutakoan, (kontuan hartu ezin izango zaretela herriko plaza arte ibilgailuz sartu) taldekideetako BAT ibilgailua hartu eta Areatzara jaitsi beharko dua;, ibilgailua aparkatu eta orientazio urbanorako (T2) motxila Areatzako frontoian utzi eta autobus geltokira etorri Ubidera igotzeko. Beste taldekidea Ubidean geratuko da.
Autobusa 9:15etan irtengo da, mesedez, puntualak izan.
Talde bakoitzak 2 motxila ekarri beharko dituzue:
Irteeran utziko duzue 2. sekziorako gauzekin (BTT-rako gauzak). 1. sekzioa bukatzerakoan bertan sartu beharko dituzue trekinerako erabili dituzuen gauzak. Antolakuntzakoak jeitsiko dugu poltsa hori Areatzara ( baina ez dugu uste herriko orientaziorako garaiz helduko denik)
Beraz, herrian beste poltsa bat utziko duzue ibilgailua jeisten duzuenean , goizean, herriko proba hori egiteko. Azken hau, korrika egingo duzue. Gogoratu "eskala" proba berezirako kalkulagailua eta erregela sartzeaz.
KATEGORIAK
Kategoria guztietako taldeak bi-hiru kidek osatuko dituzte, eta elkarrekin egongo dira lasterketa guztian zehar (kontrakoa adierazten ez bada), eta kanpoko inolako asistentziarik gabe.
Antolakuntzatik parte hartzaile guztien helburuak asetuko dituzten ibilbide interesgarriak egiten saiatu gara, non talde eskarmentudunenak ahalik eta gehien ahalegindu ahal izango diren; eta ibilbidearen %100 egin nahi ez duten taldeek sekzio laburragoak egiteko aukera izango duten. Horrela, denok parte hartu ahal izango duzue abentura proba honetan.
EMAKUMEZKOAK:
2 edo 3 emakumez osatutako taldeak. Gehienezko denbora 8 ordu.
Helmuga itxi aurretik, puntu gehien lortzen dituzten lehenego 3 taldeek sariak edukiko dituzte. Berdinketa kasuan, denbora gutxienean helmugara iritsi denak irabaziko du.
GIZONEZKOAK:
2 edo 3 gizonezkoz osatutako taldeak. Gehienezko denbora 8 ordu.
Helmuga itxi aurretik, puntu gehien lortzen dituzten lehenego 3 taldeek sariak edukiko dituzte. Berdinketa kasuan, denbora gutxienean helmugara iritsi denak irabaziko du.
MISTOAK:
2 edo 3 pertsonez osatutako taldeak, gutxienez emakume bat eta gizonezko bat duten taldeak,
Gehienezko denbora 8 ordu.
Helmuga itxi aurretik, puntu gehien lortzen dituzten lehenego 3 taldeek sariak edukiko dituzte. Berdinketa kasuan, denbora gutxienean helmugara iritsi denak irabaziko du.
*2 zein 3 pertsonez osatutako taldeek kategoria bereko sailkapenean hartuko dute parte, raida hasi duten pertsona denek amaitu beharko dute sailkapenean parte hartzeko
*Hau da, lasterketa 3 pertsonekin hasi duen taldean 3rak iritsi behar dira, haietako bat erretiratu eta 2k bukatzen badute, sailkapenetik kanpo geratuko lirateke, baina amaiera arte iritsi daitezke.
DISZIPLINAK
ORIENTAZIOA: Lasterketako disziplina printzipala kontsidera daiteke, sekzio guztietan aurrera egiteko mapa eta iparrorratzaren laguntza beharko da.
TREKKING: Ez da beharrezkoa mendian esperientzia handirik izatea trekking-eko sekzioa egiteko. Pagadi oso garbiak aurkituko dituzue orokorrean, baita belardiren bat ere eta ikuspegi paregabeko tontorren bat ere. Etapa haue erraz laburtu ahalko da ibilbide osoa egin nahi ez dutenentzat, edo denporaz larri zabiltzatenontzat. Rogaine formatoko trekin bat izango da, baliza askorekin eta ibilbiderik egokienarekin asmatzea erreza izango ez dena ( batez ere esperientzia asko ez dutenek orientazio munduan). Iparorratzaren laguntza ondo etorriko zaizue eta sestra-kurbak ondo irakurtzen jakiteak ere.
Balizak hartzeko ordena librea izango da lasterketa osoan zehar.
MTB: Ibilbidearen %90a pista eta bide zabaletatik izango da, bizikleta sekzioa ziklableak izango dira MTB-ko aditu bat izan gabe, azken jeitsiera izan ezik. (baina ez dugu uste zuetariko asko helduko zaretenik azken jeitsiera hau egitera, eta litekeena da lehenago bidea laburtzea eta helmugara jeistea denbora barruan heldu ahal izateko) hala ere momentu puntual batzutan bizikleta bultzatu beharko da (abilezia faltagaitik edo aldapa handiegia dagoelako).
Sekzio honetan baliza batzuk letraz adierazita egongo dira (A,B,D…); hauen zailtasun maila handiagoa izango da, fisikoki batez ere. Beraz, zenbakiz adierazitako ibilbidea jarraitzen baduzue, ez duzue maila fisiko handiegirik beharko ( aurretik treking bat egin duzuen arren). Baina bakoitzak erabakiko du bere ibilbidea edo ze balizetara joan.
Ez da derigorrezko balizarik egongo, eta nahi dituzuenak hartu ditzazkezue.
SOKAK: Baliteke Rapel edo tirolina bat egin behar izatea ere, horretan lanean jarraitzen dugu.
LASTERKETAKO KROKISA ETA SEKZIOEN LABURPENA
S1 TREKKING: ROGAINE FORMATOKOA + RAPELA?
19 km inguruko trekin bat izango da eta 900mko desbibela duena. Baso garbietatik ibiliko zarete eta iparorratza ondo etorriko zaizue. Baliza asko egongo dira, nahiko hurbil bata besteagandik, beraz, ibilbidearen aukeraketari garrantzia eman, lasai begiratu, ibilbiderik azkarrena zein izango den kontuan hartuz. PENTSATU ETA KORRIKA EGIN!
S2 BTT-Mountain Bike SEKZIO LINEALA + PROBA BEREZIA
42 km eta 1600mko desnibela izango du. Pista errezak eta azkarrak dira orokorrean. Ibilbidea laburtzeko aukera asko egongo dira, horrek desnibel asko kenduko duzue horrela. Orientazio aldetik erreza izango da eta oso lineala. Areatzara denporaz kanpo ez heltzeko adi ibili.
S3 HERRI-ORIENTAZIOA + PROBA BEREZIAK
Areatzako herrian orientazio proba labur bat izango da, baina proba berezi askorekin. helmugatik oso hurbil ibiliko zarete denpora guztian, horrek estrategian asko lagunduko dizue berandu ez heltzeko.
7.KRONOMETRAIA
Aurreko edizioetan ohikoa denez, sportident sistema erabiliko dugu. Korrikalari bakoitzak pintza elektroniko bat izango du eskumuturrari lotuta, eta ezin izango du kendu raid osoan zehar, eta baliza elektronikoetan sartu beharko du, bi korrikalariek baliza bakoitzera joan beharko dute, eta minutu bat baino gutxiagoko aldearekin fitxatu biak. Raidaren amaieran sportident-en informazio guztia deskargatu beharko da sportident-eko teknikari baten aurrean.
Antolakuntzak utziko ditu beharrezko txip eta zintak. Beraz lasterkariek ez dute norbere pintza ekarri beharko.
Gogoratu taldekide guztiak elkarrekin joatea derrigorrezkoa dela.
Gogoratu transizio bietan ere klikatu beharko duzuela.
Transizioetan anoa postua egongo da, solidoa eta likidoa ( fruta, fruitu lehorrak, pastak…). Ala ere zuen jatekoa eraman beharko duzue motxilan denpora guztian..
IGAROTZEKO ATEAK - ATEAK HESIETAN:
Ateak errespetatu egin behar dira, eta aurkitu ditugun bezala utzi.
PROBA BEREZIAK:
Hainbat proba berezi egongo dira Raidean zehar, gehiena azken sekzioan. Proba errezak izango dira: zankoekin ibiltzea, begiak itxita ibilbide bat egitea, mapa baten eskala aplikatuta errealitatean zenbat metrotako ibilbidea izango litzatekeen, bizikleta gainean trebezia proba bat,...
PE 1 - RAPPEL (S1 sekzioan):
S1-trekking sekzioko puntu batean kokatuta egongo da. Bi linea egongo dira rapelatzeko prestatuta. Bi taldekidek egin beharko dute rappela gutxienez. Bi talde baina gehiago elkartzen badira rappeleko proban, talde bakoitzak linea berdina erabili beharko du jeisteko. Rappelatu ondoren rappela egin duten taldekideek bakarrik pikatuko dute baliza.
Litekeena da rapelatzeko materiala ( arnesa, mosketoiak, kaskoa…) antolakuntzak jartzea; horrela ez duzue treking guztia material horrekin egin beharko. ( norbaitek ahala nahi izatekotan bere materiala ekarri dezake )
PE 2 -BIZIKLETA ABILEZIA PROBA S2 sekzioan):
Bizikletarekin ibilbide bat gainditu beharko duzue oinarekin lurra ikutu gabe.
PE 3 - ZANKOAK (S3 sekzioan):
Egurrezko zanko edo hanka paluekaz 15-20 metrotako ibilbide bat osatu beharko duzue bi taldekideren artean. Ezin diozue alkarreri lagundu. Lehenak ibilbide zati bat egingo du, honek lurra ikutzen duen lekutik hurrengoak jarraitu beharko du. Bigarren honek ibilbidea bukatzen ez badu hasieratik hasi beharko zarete. hirugarren aukeran ez baduzue ibilbide guztia osatzen penalizazio baliza bat izango duzue (han bertan esango zaizue non egongo den) Lehena gai bada ibilbide osoa egiteko ontzat emango da ere.
PE 4 - ESKALATIK ERREALITATERA (S3 sekzioan):
Orientazio mapa baten, 4-5 baliza hartzeko ibilbiderik laburrena aukeratu eta errealitatean zenbat kilometro izango liratekez esan beharko diguzue. 3 aukera izango dituzue. Asmatu ezean penalizazio baliza bat egongo da.
Kalkulagailua eta erregela opndo etorriko zaizue.
PE 5 - ORIENTA-MIMIKA
Arratia Raidean urtero egiten dugun jolasari buelta bat eman diogu… Kono batzuen azpian animaien argazkiak egongo dira. Bikoteko batek kono hoien mapa ikusiko du ( lurrean pegatuta egongo da eta ezin izango duzue hartu) eta bertan markatuta egongo diren kono azpiko animalia begiratzera joan; mimika bitartez HITZEGIN GABE taldekideari animalia hori antzeztu beharko dio, honek paper baten idazteko ( honek bai esan ahal izango dio pentsatu duen animalia asmatu duen jakiteko, besteak bai edo ez erantzuteko). Sei konoetatik hiru asmatu beharko dituzue.
PE 6 - KONTUZ KROKODILOEKAZ!
Lurrean 3 uztaiko 9 ilada egongo dira (9x3) uztai egongo dira. Antolatzaileak mapa baten x ( krokodilo bat) bat jarrita izango du 3ko ilada bakoitzeko uztaietako baten, partehartzaileak ikusiko ez duzuena noski. Ilada guztietako uztaietako bat zapalduz ibilbide osoa osatu beharko duzue taldekide guztiek. Norbaitek x bat zapaltzerakoan hasieratik hasiko da hurrengo taldekidea. Aurrekoaren ibilbidea memorizatzea gomendatzen dizuegu. Txandaka, bi taldekidek ibilbidea osatzen duzuenean bukatuko da proba eta baliza klikatu ahalko duzue.
Talde bat baino gehiago elkartuko zaretenez hainbat ibilbide egongo dira. Taldeen artean ere txandaka ibiliko zarete. Hau da, taldeko biek x bat zapaltzerakoan iladan jarriko zarete, beste taldeen atzean, zuen txanda berriro heldu arte.
PE 7 - HAU BAI GOZOA!
Baliteke proba sorpresa bat egotea…
BEHARREZKO MATERIALA
Derrigorrezko materiala:
Disziplina bakoitzeko materiala:
DEBEKATURIKO materiala:
Komunikazio gailuak (Talkiak, mugikorrak, etc.)
Nabigatzeko sistema elektronikoak (GPS-ak)
KARTOGRAFIA
VIII. ARRATIA RAID 2026en erabiliko diren mapak, bi motatakoak izango dira.
Treking sekziorako mapa oso zehatz bat egin dugu ( laguntza askorekin!!). Sestra kurba oso zehatzak, zulo eta detaile askorekin.ESKERRIK ASKO JUANTXO!!!
BTT sekziorako berriz Mapant -en oinarritutako kartografia izango duzue; gure taldeak berrikusi eta eguneratu dituenak. Mapa hauetan erabilitako sinbologia IOF-en ISMTBOM arautegian oinarrituko da.
Herri-orientaziorako ere mapa nahiko zehatza egin digute.
ARAUTEGIA
Abentura lasterketa edo raid-ak erabateko autonomian egiten dira, hau da, salbuespenen bat ezik, adibidez derrigorrezko pasoren bat markatuta egon daiteke (arriskuarengaitik,...), gainontzeko ibilbide dena markatu gabe egongo da, eta taldeak berak erabaki beharko du nondik ibili maparen laguntzarekin.
Lasterketako gehienezko denbora 8 ordukoa izango da irteera ematen denetik.
8ordu 0min eta 1segundutik pasatzean, azken sekzioko puntu denak galduko dira.
8 ordu 30min eta 1 segundotik aurrera raideko puntu guztiak galduko dira.
Kontrol puntu edo balizek (CP), zeinak sekzio bakoitzean maparen laguntzarekin aurkitu behar diren, puntuazio ezberdina izango dute, zailtasun fisiko eta orientazio zailtasunaren araberakoa.
Ez da derrigorrezkoa CP guztietatik pasatzea, ez eta gehienezko denbora betetzea. Hau da, talde batek 5 ordu ondoren helmugara joatea erabakitzen badu, lasterketa orduan amaituko da eta momentu hortararte lortu dituen puntuekin sailkatuko da.
Sailkapena ondorengo kriterioen arabera egingo da:
Gehienezko denboraren barruan puntu gehien lortu dituen taldea
Puntukako berdinketa kasuan, denbora gutxienean helmugaratu dena.
Talde bakoitzak bere kategorian sailkatu ahal izateko (Emakumezko, gizonezko edo mistoa), lasterketa hasi duten taldekide guztiek amaitu beharko dute eta denek ibilbide berdina eginez, ezingo dute inolako aldaketa edo erreleborik eman/jaso..
Taldeko partaide guztiek batera joan behar dute uneoro, proba berezietan izan ezik.
Zaborra botatzea edo mendian hondakinak uztea raidetik deskalifikatzeko arrazoia izango da.
ORGANIZATZAILEAK ETA BABESLEAK
ORGANIZATZAILEAK:
LAMINO MENDI TALDEA
ARRATIA RAID taldea
BABESLEAK:
Areatzako udala
Ubideko udala
KONTAKTUA arratiaraid@gmail.com
TELEFONOZ 637757549
670420547
686190637
676215397
626950595
LIGA NORTE RAID ABENTURA 2018
I. eranskina: parte-hartzaileek sinatu beharreko parte hartzeko baldintzen eredua. (lasterketa egunean bertan)
Arratia Raidean parte hartzeko baldintzak.
ARRATIA RAIDeko araudia osorik ezagutzen eta onartzen dugu.
Badakigu horrelako lehiaketek, ingurune naturalean, kontrolatzeko eta iristeko zailak diren lekuetan garatzen direnez, parte-hartzaileentzako arrisku gehigarri bat dakartela. Hori dela eta, geure borondatez eta ekimenez parte hartzen dugu, proba honetan parte hartzeak dakartzan arriskuak eta ondorioak aintzat hartuta.
Lehiaketak eskatzen duen prestakuntzarekin joaten gara, osasun orokor ona dugu, gure parte-hartzearekin larriagotu daitekeen gaixotasunik, akats fisikorik edo lesiorik izan gabe. Proban zehar gure osasuna larriki kaltetu dezakeen edo gure osotasun fisikoarentzat arrisku handia eragin dezakeen gorabeheraren bat jasango bagenu, lehenbailehen jakinaraziko diogu erakundeari.
Gaitasun fisiko, trebetasun tekniko eta biziraupenerako baliabide ugari ditugu, ekitaldi honetako diziplina eta proba berezietan gure segurtasuna bermatzeko, garatzen diren autonomia-baldintzetan. Era berean, esku hartuko dugun modalitate guztietarako eskatzen den kirol- eta segurtasun-materiala daukagu; egoera onean dago, homologatuta dago eta badakigu behar bezala erabiltzen.
Esku hartuko dugun diziplina bakoitzerako ezarritako segurtasun-protokoloak ezagutzen eta menderatzen ditugu, eta ezarritako segurtasun-arauak betetzeko konpromisoa hartzen dugu, baita jokabide arduratsua izateko konpromisoa ere, gure osotasun fisikorako arriskuak izugarri handituko ez dituena.
Ingurumena errespetatzeko jarraibide orokorrak betetzeko konpromisoa hartzen dugu.
Antolakuntzari edozein argazki, filmazio edo grabazio erabiltzeko baimena ematen diogu, baldin eta gure parte-hartzearekin soilik lotuta badago.
TALDEA:
Raider 1 Raider2 Raider 3
Izena: Izena: Izena
Abizenak: Abizenak: Abizenak
NAN: NAN: NAN
Sinadura: Sinadura: Sinadura
